Æfingar hefjast

Gunnar Oddsson þjáfari Laugardalsliðsins hefur boðað til æfinga á nýjan leik. Fyrsta æfingin verður á morgun á gervigrasinu í Safamýrinni. Fjórar fótboltaæfingar verða í viku-á fjórum mismunandi stöðum. Fyrir utan einn tíma í Egilshöllinni æfum við utandyra. Miðað við þær lægðir sem hafa dunið á landinu undanfarnar vikur og mánuði er ekki mikil tilhlökkun að fara hlaupa í frosti og roki. Menn tala mikið um bætta aðstöðu en ég verð bara að segja, fyrir utan þennan eina tíma í Grafarvogi í viku, þá var aðstaðan uppi á Skaga fyrir 20 árum síðan alveg jafngóð, ef ekki betri. Langisandur var okkar æfingasvæði þá og var hann síður en svo verri til æfinga heldur en handónýtt gervigras í Laugardalnum. Það er engin leið að Egilshöllin geti með góðu móti sinnt öllum félögunum í Reykjavík. Gervigrösin eru kannski betri kostur en malarvellirnir, en sandurinn toppar engu að síður flesta af þeim tilbúnu grasvöllum sem ég hef æft á...

Athugasemdir

[Geir Guðjónsson (IP-tala skráð) 14.11.2007 kl. 15:09]

Mig langaði bara að lýsa yfir einlægri aðdáun minni á það hvernig þú flytur íþróttafréttir.  Allt í einu finnst mér áhugavert að vita hverjir eru að kaupa og selja sig og hverjir eru ekki til sölu.

Alger hönk!

mbk Geir 

[Hjörtur Júlíus Hjartarson, 15.11.2007 kl. 19:46]

Kærar þakkir fyrir hrós af þeirri tegund sem einungis þú ert fær um að gefa...;)

Bestu kveðjur